上海人的中秋节到底吃啥?鲜肉月饼当早饭,这位沪语音乐人告诉侬

上海人的中秋节到底吃啥

农历八月十五中秋佳节，阿拉上海人拿搿只日脚叫作“八月半“，老底子上海人全欢喜坐辣弄堂里向，一边看月亮一边拉家常，更重要个是一家门聚勒一道吃团圆饭！唯有爱脱仔美食勿可辜负，对个！搿就是阿拉上海人个中秋节。

葛么，上海人中秋节吃啥物事呢？上海童谣唱作人，词曲作家，音乐策划人王渊超用一首 沪语歌曲《上海人的中秋节》告诉侬！

《上海人的中秋节》 词曲：大王王 沪语校对：上海闲话朗读会 混音：Janjee

上海人的中秋节

就要有月饼吃

不管是豆沙莲蓉咸蛋黄

五仁椰蓉还是最实惠的鲜肉

上海人的中秋节

还要有毛豆吃

要弄眼盐水毛豆

配芋艿老鸭汤吃

中秋节

就是聚了一道吃

看月亮挂在天浪向

今朝顶顶亮

中秋节

一家门聚了一道吃

e-yeah 过好节

再拿食来节

上海人的中秋节

辣搿只歌曲当中，王渊超认为中秋佳节搿些物事是上海人必须要吃个：

首先，中秋节月饼是勿好少的！鲜肉月饼当早饭吃的，而当中秋的一轮圆月升起个辰光，一家门围坐一道吃的通常还是广式月饼。蛋黄、莲蓉、豆沙，椰蓉……各种口味的月饼摆拉台子浪，由屋里向顶具有权威的埃个人进行切分。假使每种口味只好分到搿能一小块，也会得甜到心里向，幸福得来!

上海人把鲜肉月饼当早饭吃（资料图）

乃末必须有的是盐水毛豆！一般性吃的是本地产的“牛踏扁”(搿种毛豆的豆子像拨牛踏过一样扁平肥大)，味道有点甜津津。但是大人一定会教育小人，吃好豪稍汏手，要勿然会痒。毛豆里向排列了好几粒豆子，也象征着兄弟姊妹的团结。

盐水毛豆（资料图）

毛豆和芋艿可以混搭吃

芋艿老鸭汤更是鲜美无比，小火炖煮的老鸭肉滋阴润燥，芋头补中益气，本地的“红梗芋艿”一口咬下去香糯爽口。本地的“红梗芋艿”一口咬下去香糯爽口。

老鸭芋艿汤

毛鸭子，中秋节顶讨阿拉上海人欢喜，今年据讲是好个鸭子老难买到！各种八宝鸭、香酥鸭、酱鸭，阳澄湖的大闸蟹也不好缺席，准备好大快朵颐一记了伐？

桂花糯米糖藕（资料图）

讲到甜食，中秋节除脱月饼，上海人老欢喜吃香糯可口的桂花糯米糖藕。八月十五桂花香，中秋之夜当然还得吃杯糯米桂花甜酒酿。团圆饭的阿末，当然少勿了勿吃勿过念头的桂花酒酿圆子啦，一碗酒酿小圆子，象征着团团圆圆。

当然，中秋佳节，各位读者朋友也勿要贪食过度哦！

视频来源：王渊超

图片来源：除署名外部分图片由网友玫瑰公主提供

编辑：杨婷婷